Ҷудошавии оилаҳои ҷавон боиси нигаронии ҷомеа

Асоси ҷомеаи ҳуқуқбунёд, ояндаи неки миллат маҳз аз мустаҳкамии оила вобаста аст. Чунки оила сарчашмаи ҳаёти инсон мебошад. Маҳз ҳаёти хар як инсон аз оила оғоз меёбад. Кӯдак дар оила ба дунё омада, тарбия меёбад, ба воя расида, дар ҷомеа соҳиби ҷойи худ мегардад ва боз ҳам бахти худро дар оила меёбад. Идоракунии оила кори хеле муҳим ва масъулиятнок ба шумор рафта чунки оила дар асоси муҳаббати дутарафа барпо мегарданд. Дар татбиқи талаботи сиёсати иҷтимоию фарҳангии давлати Тоҷикистон се омили асосӣ – ҷомеа , мактаб ва оила бояд дар ҳамбастагии зич фаъол бошанд, то ки насли наврасу ҷавони кишвар дар рӯҳияи ватандӯстӣ, хештаншиносии миллӣ ва таҳаммулу мадоро тарбият ёбанд.                                                                                                                               Оилае, ки пояаш бо муҳаббат асос ёфтааст, оилаи хушбахт аст. Фарзандоне, ки дар чунин оила тарбия меёбанд, метавонанд дар оянда соҳиби обрӯ ва зиндагии шоиста гарданд. Набояд фаромӯш кард, ки ҳатто муҳаббати бепоёнро ҳам эҳтиёт кардан, ташкил карда тавонистан зарур аст.                                                                                                                                                                                                                            Имрӯзҳо пошхӯрии оилаҳои ҷавон хеле зиёданд. Ин албатта якчанд сабабҳои ба худ хосро дорад. Падару модарон мехоҳанд, ки фарзандонашон тезтар оиладор шаванд ва бори зиндагиро бар дӯши худ гиранду ба онҳо сабуки оранд, вале саҳв карда, барои худро гарон мекунанд. Ҳам писар, ҳам келин, боз фарзанди онҳоро хӯронидан ва пӯшонидан ба зиммаи худи онҳо меафтанд. Даромади оиларо ба ҳисоб намегиранд, ки он ба норасоиҳо дар зиндагӣ оварда мерасонад.                                                                                                               Пас чӣ бояд кард, ки ин масъала то ҳадде ҳалли худро ёбад ва теъдоди вайроншавии оилаҳо кам шавад. Аввалан, худи навхонадорон ба оилаву оиладорӣ тайёр шуда, нозукию мураккабиҳои онро сарфаҳм раванд, оилаву оиладориро саҳлу осон наҳисобанд. Дар пастиву баландиҳои  зиндагӣ сабур бошанд ва аз феълу атвори якдигар бохабар бошанд. Воқеан падару модарон дар барқарор кардани оилаҳои тифоқу солим ва пойдори онҳо бояд масъулияти ҷиддӣ дошта бошанд. Баъзе падару модарон дар ин масъала баъзан таваккалро пешаи худ мекунанд, ки метавонад пайомадҳои манфиро ба бор орад.                                                                             Насанҷидаю нодида ҷавононро хонадор мекунанд, мехоҳанд ҳар чӣ тезтар тӯй карда, фарзандонро якҷоя кунанд, лекин омада набудани онҳоро ба ҳаёти мустақилона ба назар нагирифта ва ҳанӯз худ низ барои келиндориву созгорӣ омода нестанд. Ин масъалаи зикргардида бисёр вазниниву ботамкинӣ металабад.                                                                                                                                                                  Маҳфуми оиларо ҳар кас ба таври худ қабул мекунад, масалан басе нозук аст оилаву оиладорӣ, лекин мақсад яктост: оила бояд қавӣ, мустаҳкам ва пойдор бошад. Ба ҳамагон маълум аст, ки оилаи солим пойдевори давлату ҷомеа маҳсуб меёбад. Ҳар қадар оила солим бошад, давлат ба ҳамон андоза пойдор хоҳад монд. Ҷавонон бояд ҳатман касбу ҳунар омӯзанд, ягон ихтисосеро ба даст оранд, баъд оила барпо кунанд. Зеро назари одамони соҳибмаълумоту соҳибихтисос ба зиндагӣ таҳаммулпазир мешаванд, ба шебу фарозиҳои зиндагӣ тоб меоранд, ояндаашонро фикр мекунанд.                                                                                                                                             Мутаасифона солҳои охир  аз ҳам ҷудошави оилаҳои ҷавон боиси нигарони ҳамагон гардидааст. Ҷудошави оилаҳои ҷавон сабабҳои зиёд доранд.                                                                                                                                                                                                                          -Омода набудани онҳо ба ҳаёти мустақилона (барвахт хонадор кардани ҷавонон ва сатҳи пасти зиндагӣ)                                                          -Набудани ҳурмату эҳтироми якдигарӣ.                                                                                                                                                                                  -Эркагиҳои зиёди яке аз навхонадорон                                                                                                                                                                                  -Набудани меҳру муҳаббат нисбати якдигар.                                                                                                                                                                        -Хиёнати бешармонаи баъзе занҳо ба шавҳарон.                                                                                                                                                                 -Беаҳамиятии мардон нисбати занон ва бемасъулияти нисбати фарзандон.                                                                                                              — Аз хабаркаши баъзе келинҳо (яъне гапи хонаро ба хонаи дигар бурдан)                                                                                                                  Инчунин қайд намудан ба маврид аст, ки аз ҷиҳати психологӣ ба ҳамдигар   мувофиқ наомадани ҳамсарон низ сабаби ҷудошавии онҳо низ шуда метавонад.                                                                                                                                                                                                                    Барои ҳамин ҳам, мо барои тарбияи дуруст барпо намудани оилаҳои солиму мустаҳкам ва сохтани ояндаи неки фарзандон ва ҷомеаи ҳуқуқбунёд имрӯз ҳиссагузор бошем.

Пристави судии                                                                                                                                                                                                                            суди ноҳияи Сангвор                          Давлатёрзода А.М.