ҲАРГИЗ БА МАҚСАД НАМЕРАСАД КАСЕ, КИ ХИЁНАТ МЕКУНАД! Истилоҳи бадӣ, зишткорӣ дар ҳамаи давру замонҳо ҳамчун амали ношоиста, носазо ва номатлуб дониста мешавад. Бадиву бадкирдорӣ чун фасоду зиён танҳо ва танҳо зиштиву нооромиро ба миён меорад. Инсоният чун бандаи хокии ҷаҳони гузарон бояд соҳиби хислатҳои ба худ хос, аз қабили одаму одамгарӣ, некию накукорӣ ва саховатмандию хайрхоҳӣ бошад. На бадбину бадхоҳ, хиёнаткору вайронкор, чун бархе аз шаҳрвандони кишвари мо, ки номи ин нафаронро мардум бо нафрат ба забон мегиранд. Зеро онҳо бо амалҳову ақидаҳои нопокашон ба мардуми худ, ба Ватани худ, ки дар ҳаминҷо бавоя раисдаанду зери обу ҳавои ин миллат ба воя расидаанд, имрӯз ба он хиёнат кардаанд, ки нобахшиданист. Зеро ҳам амали нек ва ҳам амали бад дар зеҳни мардум хуб нақш мебандад ва солҳо боқӣ мемонад. Ин нокасон дар зеҳни мардум чун хоинони миллат нақш бастаанд ва то абад чунин номи сиёҳ мемонад. Ин сиёҳдилон, ки ақидаҳои ифротгароиро дар байни мардум пош мекунанд, ҳаргиз ба мақсади худ намерасанд. Зеро тулӯи ҳақиқат чун офтоби нурафшон аз баландиҳо дурахшон аст. Мо дар кишвари биҳиштосо, зери ҳавои софу беғубор, бо нозу неъматҳои фаровон дар фазои оромиву осудагӣ умр ба сар мебарем, ки ин худ давлати басо калон аст. Банда ба ҳамаи мардуми сарбаланду баору номуси кишвар муроҷиат намуда гуфтаниям, ки ҳамеша бар он ҷаҳд намоем, то ба амалҳои хубу савоб, манфиатдору хайрхоҳона ба касе кумак расонем. Касеро хушдилу осуда гардонем. Ягон дастоварди хубе аз худ боқӣ гузорем, то зинданом бошем. Хиёнаткорон дар ягон давру замон хушбахт намегарданд. Шахси бадкор, мардумозор ва хиёнаткор ҳамеша дар назди ҷомеа сияҳрў аст.

03.10.2023 243

Бешубҳа, хизмат дар сафи Қувваҳои Мусаллаҳи кишвар қарзи шаҳрвандии ҳар як ҷавонмард мебошад ва ҷавонони синни даъватӣ бояд хизмати Ватан‐Модарро сарбаландона иҷро намоянд. Барои насли ояндасози кишвар хизмат дар сафи Қувваҳои Мусаллаҳ муҳимтарин мактаби обутоби ҳаёт ва мардиву ҷасорат аст. Маҳз дар ҳамин мактаб ҷавонписарон сабақи шуҷоату садоқатмандӣ гирифта, муҳофизати хоки поки Ватанро меомӯзанд. Ватандӯстӣ, пеш аз ҳама, муҳофизати Ватан ва якпорчагии марзу буми кишвар аст. Намунаи беҳтарин изҳори ватандӯстӣ хизмат кардан ба Ватан аст. Ин маъниро ҷавонони ватандӯсти ноњияи Сангвор, ки зода ва истиқоматкунандаи ин диёр мебошанд, бо дилу ҷон эҳсос намуда, омодагии хешро барои ҳимояи марзу буми кишвар иброз доштанд. Ин буд, ки нақшаи даъвати тирамоҳии ҷавонписарон ба сафи қувваҳои мусаллаҳи Ҷумҳурии Тоҷикистон дар ноҳияи Сангвор дар рӯзи аввали даъват санаи 01 октябри соли 2023 ихтиёран аз ҳисоби ҷавонписарони ноҳия пурра ба анҷом расонида шуд.

02.10.2023 252

Тарбияи насли наврас масъулияти мост! Таърих гувоҳ аст, ки аз қадимулайём мардуми соҳибтамаддуни мо ба тарбияи фарзанд аҳамияти хоса зоҳир намуда, барои дар рўҳияи ватандўстиву хештаншиносӣ, меҳанпарастӣ, донишандўзиву маърифатпарварӣ, ҷавонмардиву ахлоқи ҳамида ва нангу номус ба воя расонидани фарзандони худ ҳамеша кўшиш мекарданд. Албатта, маълум аст, ки оила, пеш аз ҳама, падару модар, дар ташаккул ва рушди маънавии фарзанд нақши мондагор доранд. Чизеро, ки фарзанд дар давраи хурдсолӣ мебинад, дар зеҳнаш нақш баста, дар тамоми ҳаёт бо ӯ мемонад. Аҳамияти оила дар он зоҳир мегардад, ки кӯдак дар он қисми зиёди умри худро мегузаронад ва ҳамчун шахсият низ дар оила ташаккул мёбад. Аз ин лиҳоз, ягон институти тарбия ба оила баробар шуда наметавонад. Чун таҳкурсии асосии шахсияти фарзанд дар оила гузошта шудааст, баъди қадамҳои нахустини худро ба остонаи мактаб гузоштан ва маҳз дар ҳамкории зичи падару модар бо мактаб, шаклгирии шахсият пурра, яъне мукаммал мегардад. Аз таҷриба ва мушоҳидаҳо бармеояд, ки аксаран мо фаромӯш месозем, ки дар оила нафақат чун омили мусбӣ, балки омили манфии тарбия низ амал мекунад. Аз ин ҷо бармеояд, ки агар дар омили мусбии тарбия шахсони ба кӯдак ниҳоят азизу наздик падар, модар, бобо, бибӣ, хоҳару бародар нақши асосӣ бозанд, дар омили манфӣ низ ин нафарон нақш мебозанд, зеро ягон институти иҷтимоӣ ин нақшро иҷро карда наметавонад. Педагоги машҳури рус А.С. Макаренко гуфта буд: “Фарзандони мо пирии мо ҳастанд, тарбияи дуруст- пирии хушбахтона, тарбияи нодуруст минбаъд азобу ранҷ, ашк, ин гуноҳи мо дар назди дигарон аст”. Аз ин гуфтаҳо ба андешае меоем, ки бархе аз ҷавонони мо, ки оянда давлату давлатдорӣ дар дасти онҳост, ба ҷойи ба ҷамъият кору фаъолият намудан ба ҳар гуна ҳизбу ҳаракатҳои тундрав, ифротгаро шомил гардида ба роҳи гумроҳӣ мераванд. Имрўзҳо дар ҳаққи фарзандон чи қадар падару модарон меҳнату заҳматҳо кашида онҳоро ба роҳи рост ҳидоят менамоянд, лекин ҷавононе ҳастанд, ки ба гуфтаҳои шахсони нопок бовар карда, ба гурeҳҳои ифротӣ шомил мегарданд. Қайд карданием, ки илоҳо фарзанди ягон шахс ба гумроҳӣ наравад, илоҳо ҳеҷ модари тоҷик дар фироқи ҷигарбандаш насӯзад. Мо медонам, ки дар ҷанги шаҳрвандӣ чи қадар фарзандони тоҷик қурбони сиёсатҳои разили гуруҳҳои пастфитрати наҳзатӣ гардида буданд. Аз ин лиҳоз, падару модарон бояд рисолати муқаддаси худ тарбияи поктинативу зебоипарастӣ, башардўстиву инсонпарварӣ ва заҳматкашиву ободкориро дар замири фарзандон идома дода, насли навраси кишвари соҳибистиқлоламонро дар рўҳияи ифтихори бузурги ватандорӣ ба камол расонанд, то онҳо тавонанд парчами давлатамонро дилпурона ба сўи уфуқҳои ояндаи ободу осуда баранд. Дар баробари ин, эҳтиром намудани падару модар ва расидан ба қадри заҳмати онҳо қарзи фарзандии ҳар як инсони бонангу номус мебошад.

28.09.2023 231

ИСТИҚЛОЛИЯТ САОДАТИ МИЛЛАТ АСТ! Истиқлолият ҳамчун дастоварди бузурги таърихӣ барои рушди минбаъдаи давлати соҳибистиқлоли тоҷикон шароиту имконоти мусоид фароҳам овард. Тоҷикистон дар даврони истиқлолияти худ марҳалаҳои хеле вазнину пурхатарро паси сар намуда, санҷишҳои вазнини иҷтимоиву сиёсиро паси сар намуд. Имрўз ин кишвари шукуфон аз як мамлакати ҷангзадаву буҳронӣ ба як макони аз нигоҳи иқтисодӣ рушдёбанда табдил ёфтааст, ки дастовардҳои он далели пешравии тамоми соҳаҳо мебошанд. Зарурати таърихии инкишофи ояндаи миллати тоҷик дар замони муосир талаб менамояд, ки гуфтаҳо, амалҳо ва нақшаҳои кормандони мақомоти гуногунзинаи давлатӣ, аз ҷумла, мақомоти ҳифзи ҳуқуқ баҳри рушду нумўи давлат, соҳибмаърифат гардонидани шаҳрвандон ва баланд намудани сатҳи фарҳанги сиёсии ҷомеа бояд равона гардад. Имрўз бо қаноатмандӣ гуфтан мумкин аст, ки пас аз ба даст овардани истиқлолияти миллӣ ба василаи ин кўшишҳо озодии сиёсӣ ва якпорчагии кишварро ҳифз карда тавонистем. Барои мо, тоҷикон, туҳфаи таърих буд, ки ба сари давлат шахсияти боиродаю ватанпараст ва ҷасуру миллатдўст муҳтарам Эмомалӣ Раҳмон омаданд. Танҳо иродаи қавии Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тавонист садди роҳи ҷанги шаҳрвандӣ гардад. Мо дар остонаи ҷашни Рўзи Истиқлолият қарор дорем. Ин ҷашн аз дигар ҷашнҳову идҳо бо моҳияти созандагиву муттаҳидсозии худ фарқ мекунад. Сабабҳои ҷанги шаҳрвандӣ ва расидан ба сулҳу истиқлолро ҳеҷ гоҳ фаромўш нахоҳем кард. Мусибате, ки солҳои 90-ум ба сари халқи тоҷик омада буд, метавонист якпорчагии давлати моро халадор намуда, ба парокандашавии халқи куҳанбунёди мо оварад. Ин боз як санҷиш барои халқи азизамон буд. Хушбахтона, халқи фарҳангсолори мо бори дигар исбот намуд, ки дорои заковату хирад ва фарзандони қавииродаву матин мебошад, ки тавонист Тоҷикистони азизро аз ин хатар эмин дорад. Имрўз Тоҷикистон тавонист истиқлолияти худро таҳким бахшад ва ормони ҳазорсолаи мардуми тоҷик амалӣ ва ба дастовардҳои назаррас дар ҷодаи эҳё ва рушди давлатдории миллӣ ноил гардад. Тоҷикистон имрўз дар ҷаҳони муосир намунаи барҷастаи сулҳофарӣ ва сулҳу ваҳдати пойдор буда, Истиқлолияти комилу беназири он ин арзиши бебаҳо, нерўи қавӣ ва кафили рушди устувори мамлакат мебошад. Дар шароити кунунӣ таҳкими Истиқлолият, устувор гардонидани пояҳои давлат ва баланд бардоштани сатҳ ва сифати зиндагии инсон барои натанҳо мардуми мо, балки тамоми инсоният мазмуни ҳаётан муҳим пайдо мекунад. Аз ҳамин лиҳоз, ҳодисаву воқеаҳои пурошӯби охирҳои асри гузашта моро водор намуд, ки оид ба масъалаи таъмини амнияти милливу давлатӣ, нигоҳ доштани оромии авзои ҷомеа, пойдории сулҳу субот ва ободу зебо гардонидани Ватани маҳбубамон ва таҳкими истиқлолияту ҳифзи дастовардҳои он андеша кунем. Самараи неки Истиқлол аст, ки имрӯз Тоҷикистон дар дунё чун давлати сулҳхоҳу сулҳпарвар шинохта шудааст. Таҷрибаи сулҳи тоҷикон манбаи омӯзиши сулҳхоҳони ҷаҳон гашт, ки боиси ифтихори ҳар як қавми тоҷикмиллат аст. Мо бояд аз ин миллати барӯманд биболему барои боз ҳам машҳуртар гардидани он кӯшишу ғайрат намоем.

06.09.2023 216

Устодону омӯзгорони муҳтарам! Донишҷўён ва хонандагони гиромӣ! Ҳар сол дар саросари Тоҷикистон Рӯзи дониш ҳамчун санаи гиромидошти илму маърифат ҷашн гирифта мешавад, ки ин гувоҳи равшани таваҷҷуҳи доимӣ ва эҳтироми хосаи Ҳукумати мамлакат ба аҳли илму маориф мебошад. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин бора таъкид намудаанд: “Маориф асоси рушду тараққиёти ҳар як давлату миллат мебошад. Зеро рушду нумуи ҷомеа, таъмини амнияти ҷомеаву давлат ва ноил шудан ба сатҳи ҷаҳонии иқтисод, татбиқи дастовардҳои техника ва технологияи муосир бевосита ба рушди соҳаи маориф, ташкили раванди бонизом ва босифати таълиму тарбияи хонандагону донишҷӯён, хулоса, ба сатҳи саводи миллат вобаста мебошад”. Дар заминаи ибтикороти самарабахши ҳукумати мамлакат дар ҷумҳурӣ ҷиҳати баланд бардоштани сатҳи таълиму тарбия ва рушди маорифи миллӣ таваҷҷўҳи хоса равона карда шудааст. Маҳз дастгирии донишҷўёну хонандагон ва омўзгорони онҳо аст, ки сол аз сол теъдоди ғолибони озмуну олимпиадаҳо рӯ ба афзоиш ниҳода, хонандагон, донишҷўён, омӯзгорони пешқадаму навовари мо дар озмунҳои сатҳи ҷумҳурӣ ва байналмилалӣ мақомҳои арзандаро ишғол менамоянд. Бо ибтикороти Пешвои муаззами миллат эълон шудани солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, роҳандозӣ гардидани озмунҳои бонуфузи ҷумҳуриявии “Фурӯғи субҳи доноӣ китоб аст”, “Тоҷикистон — Ватани азизи ман”, “Илм-фурӯғи маърифат” ва озмуни “Тоҷикон”-оинаи таърихи миллат” марҳилаи наверо барои вусъати фаъолияти наврасону ҷавонон, устодону омўзгорони онҳо боз намуда, доираи омӯзиш ва мутолиаи тамоми қишрҳои ҷомеаро густариши тоза бахшид. Озмунҳои мазкур имкон фароҳам меоранд, ки сатҳи саводу маърифати мардум ва дар навбати аввал наврасону ҷавонон баланд бардошта шуда, дар вуҷуди онҳо эҳсоси ватандӯстиву ватанпарварӣ, худшиносию худогоҳӣ, ҳувияти миллӣ, арҷгузорӣ ва омӯхтани забон, таърих, фарҳанги бостониии тоҷикон бештар тақвият ёбад. Дӯстони азиз! Илму дониш дар миёни мардуми мо аз қадим мақоми хос дошт ва мардуми бофазлу ҳунари тоҷик ба ин манбаи маърифат ҳамеша арҷ мегузоштанд. Мо низ бояд суннатҳои неки гузаштагонамонро эҳтиром намоем, аз равишҳои муосири таълиму тарбия истифода барем, доираи донишу маърифат ва камолоти маънавии наврасону ҷавонони ояндасозро тавсеа бахшида, дар зеҳни онҳо эҳтиром гузоштан ба муқаддасот ва рукнҳои давлатдориро тақвият бахшем, онҳоро дар руҳияи ватандӯстиву ҳисси баланди миллӣ ва худогоҳиву худшиносӣ тарбия кунем. Бори дигар, ҳамаи устодону омӯзгорон ва хонандагону донишҷӯёнро ба муносибати фарорасии Рӯзи дониш ва соли нави таҳсил самимона табрику таҳният гуфта, сиҳату саломатӣ, хотирҷамъӣ, дастоварду муваффақият ва хониши хубу аъло таманно менамоям. Ид муборак, устодону донишҷўён ва хонандагони азиз!

01.09.2023 243

АЗ ЗУҲУРОТИ НОМАТЛУБ КАНОРА ҶӮЕМ Имрузҳо баъд аз ба даст овардани истиқлолияти сиёсӣ ва ба имзо расидани Созишномаи умуми истиқрори сулҳ ва ризояти миллӣ, кишвари моро дар хориҷи мамлакат бисёр давлатҳо расман мешиносанд ва муносибаҳои дӯстию бародариро ба роҳ мондааст. Имрӯзҳо Ҷумҳурии Тоҷикистон аъзои созмонҳои бонуфузи байналхалқӣ мебошад. Ҳамин тариқ, бояд тазаккур дод, ки имрӯз ҳар яки мо новобаста аз нигоҳҳои сиёсӣ, этиқод ба ин ё он дин, инкишофи ҳамаҷонибаи Тоҷикистонро, ки дар натиҷа сатҳи зиндагии мардум ба маротиб беҳтар хоҳад шуд, вазифаи муқаддаси худ донем, нагузорем, ки воқеаҳои солҳои аввали ба даст даровардани истиқлолияти давлатӣ такрор ёбанд. Аз ин лиҳоз, мо, мардуми кишвар аз ҳамин гуна ашхос ва гурӯҳҳои ғаразноку манфиатҷӯ ТЭТ ҲНИ худро канор гирифта, баҳри пешбурду гулгулшукуфоии ватани азизамон саҳм гузорем…

31.08.2023 224

ТЕРРОРИЗМ ВА ЭКСТРЕМИЗМ ОМИЛИ ХЕЛЕ ХАТАРНОК ДАР МИҚЁСИ ҶАҲОНӢ Ҷаҳони ҳастӣ аз замони пайдоиш то ба имрӯз сол аз сол рушду пешрафт намуда, ба инсонҳо шароити хуби зиндагӣ фароҳам шуда истодааст. Аммо дар баробари ин ҳама пешравиҳо ҷаҳони имрӯзаро як қатор омилҳои хавфноку хатарзо фарогир шуда, таҳдиди ин хатарҳо танҳо бар зарари миллатҳо ва одамони он пешбинӣ шудааст. Яке аз ин хатарҳои хавфноку нигароникунандаи ҷомеаи ҷаҳонӣ тероризм ва экстремизм ба ҳисоб рафта, амалҳои террористи ва экстремистӣ амали номатлуб дониста шудааст. Дар олами муосир хатари терроризм ва гурӯҳҳои ифродгароӣ яке аз масъалаҳои мубрами рӯз ба шумор рафта, ин раванди номатлуб ҷомеаи башариро нигарон кардааст. Бинобар ин, ҳамаи қишри ҷомеаро зарур аст, баҳри пешгирии омилҳои террористӣ роҳу усулҳои самарабахши мубориза алайҳи терроризмро пайдо намуда, муборизаи ҷоннок намоянд. Терроризм ва экстремизм ин худ шакли пинҳонии хатарноки ифротгароӣ дар миқёси ҷаҳонӣ ва динӣ буда, он пеш аз ҳама, ба одамони бегуноҳ таҳдид менамояд. Он аз нуқтаи назари ҳуқуқ содир намудани амалҳое мебошад, ки ба одамон хатари марг ва амалҳои зарароварро ба миён меорад. Имрӯзҳо терроризм дар минтақаҳои гуногуни ҷаҳон доман паҳн карда, хатари бузурги иҷтимоӣ дорад ва барои амнияти давлатҳои алоҳида ва минтақаҳо воқеан таҳдид эҷод менамояд. Сарфи назар аз тадбирҳои солҳои охир андешидашуда дар бахши мубориза бо террорризм, таҳдиди амалҳои нави террористӣ афзоиш ёфтааст. Вобаста ба вазъияте, ки имрӯз дар ҷаҳон ба амал омадааст, яке аз самтҳои афзалиятноки сиёсати ҳамаи давлатҳои ҷаҳон ин мубориза бар зидди экстремизм ва терроризм мебошад. Тавре огаҳем, Ҷумҳурии Тоҷикистон низ таҳти роҳбарии сарвари сулҳхоҳу сулҳпарвараш ҳамчун як узви комилҳуқуқи ҷомеаи ҷаҳонӣ мубориза бар зидди терроризм ва экстремизмро яке аз ҳадафҳои асосии худ қарор дода, дар ин самт пайваста тадбирандешӣ менамояд. Гурӯҳҳои террористиро ифротгарён ташкил медиҳанду вобста ба ҳар роҳе нафарони нохудогоҳро ба сӯи худ мебаранд. Сарчашмаи тамоми бадбахтиҳо ва носозиҳо ин бехабар будан аз худогоҳии миллӣ, нарасидан ба қадри гузаштагони худ ва саводи кофӣ надоштан аз дину таърихи хеш, инчунин бепарво будан нисбат ба неъмати бебаҳо, яъне меҳану давлат шаҳодат медиҳад. Бояд зикр намуд, ки ифротгароӣ дар кадом шакл набошад, онро мо қабул нахоҳем кард, зеро он ҳуқуқу озодиҳои инсон ва шаҳрвандонро поймол менамояд. Ифротгароӣ асосҳои маънавии ҷомеаро вайрон намуда, амнияти минтақа ва ҷаҳонро таҳдид менамояд. Ватан-модар ба ҳеҷ ваҷ хиёнаткорро намебахшад. Мутаасифона ватани мо низ аз хиёнаткорон орӣ набуда, ин нафарон мақсадҳои нопоки худро бо фармони хоҷагони худ сӯиистифода аз дини мубини ислом амалӣ менамоянду пайваста баҳри нооромиву вайрон намудани давлати ободамон талош меварзанд. Аммо давлату миллати мо муттаҳид буда, ҳеҷ вақт ин хоинони зархарид ба мақсади нопоки хеш намерасанд. Имрӯзҳо мебинем, онҳо аз хориҷ истода лоф аз ватанхоҳӣ мезананду бо суханҳои пучу бемаънияшон танҳо организми хунхори худро сер мекунанд. Бояд тазаккур дод, ки гурӯҳҳои террористӣ дар олам зиёд буда, ҳар яки онҳо паи амалу мақсадҳои нопоку нанговар амал менамоянд. Имрӯз терроризм беш аз пеш хусусиятҳои миллӣ ва глобалӣ касб намуда, дар минтақаҳои гуногуни ҷаҳон доман паҳн кардааст. Ва барои аксар давлатҳои минтақа ва ҷаҳон хатари ҷиддӣ эҷод мекунад. Вобаста ба ин замоне расидааст, ки ҷомеаи ҷаҳонӣ тамоми кишварҳои олам дар якҷоягӣ бар зидди ин зуҳуроти номатлуб мубориза баранд ва давлатҳое, ки аз зуҳури чунин гуруҳҳо манфиатдоранд аз амалҳои зиддибашарии худ даст кашанд. Ин иқдом боиси аз байн бурдани оби чашми кӯдакони парешон, гиряи модарон дар кишварҳои зери сояи ҷанг хоҳад шуд. Бо ин васила мо метавонем барои ояндагон сарзамини ободу осоишта ва ори аз қатлу кушторро ба мерос гузорем. Ба қадри неъмате чун истиқлолияту давлатдории миллӣ расидан, арзишҳои муқаддастарини давлату давлатдориро дарк намудан ва пос доштани онҳо ин ҳам қарз, ҳам масъулият ва ҳам шарафу номуси ватандорӣ аст. Бинобар ин, барои пешгирӣ намудани амалҳои ноинсонӣ, сар карда аз тамоми сохторҳои марбута, ниҳодҳои фарҳангиву сиёсӣ, муассисаҳои таълимӣ ва ҳама шаҳрвандони ватанпарварро мебояд, беш аз пеш бо ҳар роҳу воситаҳо ин зуҳуроти номатлубро бартараф намоем. Зиракии сиёсиро аз даст надиҳем, ҷангҷӯву ҷангхоҳ набошем, то насли имрӯзаву ояндаи ин сарзамин, ин ҷаҳон дар фазои сулҳу субот умр ба сар барад. Раиси суди ноҳияи Сангвор Салимзода М.Д.

23.08.2023 236

Қаллобӣ боиси ба ҷавобгарии ҷиноятӣ кашидан ва таъини ҷазо гардид! Чунончӣ, бо ҳукми суди ноҳияи Сангвор аз 4.07.2023 сол шаҳрванд Р.М.Ш. барои он бо моддаи 247 қисми 3 банди “а” Кодекси ҷиноятии Ҷумҳурии Тоҷикистон гунаҳгор дониста шуда, нисбаташ бо ин ќисми модда бо дастрасии моддаи 63 Кодекси ҷиноятии Ҷумҳурии Тоҷикистон, ҷазо дар намуди ҷарима ба андозаи 200(дусад) нишондиҳанда барои ҳисобҳо, баробар ба 12800 сомонӣ ба фоидаи давлат, бо маҳрум кардан аз ҳуқуқи машғул шудан ба фаъолияти соҳибкорӣ ба муҳлати 2 сол таъин карда шуда, ки ӯ санаи 14 октябри соли 2021 бо мақсади тассаруф намудани молу мулки ғайр бо роҳи фиреб ва сўиистифодаи боварӣ ба мағозаи тиҷоратии шаҳрванд Ҷ.Ҷ.С., воқеъ дар суроғаи ноҳияи Сангвор, Ҷамоати деҳоти Вахиё, деҳаи Сайёд рафта, ба боварии охирин даромада, аз номбурда маҳсулотҳои хӯроквориро, дар умум ба маблағи 4547 сомонӣ гирифта, ҷабрдида Ҷ.Ҷ.С-ро бовар кунонидааст, ки ин маблағро дар муддати 6 моҳ пас аз фурухтан бармегардонад. Ҷабрдида Ҷ.Ҷ.С. ба суханони бардурӯғи судшаванда Р.М.Ш. бовар карда, бехабар аз мақсадҳои ғаразноки охирин ин маҳсулотҳоро ба судшаванда додааст. Лекин судшаванда Р.М.Ш. ин маҳсулотҳоро дар мағозааш ба шаҳрвандон фурухта, маблағи онҳоро ба манфиати худаш масраф намуда, ҷабрдида Ҷ.Ҷ.С-ро бо ҳар баҳона фиреб дода, маблағи номбурдаро барнагардонида, ба охирин зарари ҷиддии моддӣ расонидааст. Ғайр аз ин, судшаванда Р.М.Ш. такроран тахминан санаи 15 октябри соли 2022, бо мақсади тассаруф намудани молу мулки ғайр бо роҳи фиреб ва сўиистифодаи боварӣ ба манзили истиқоматии ҷабрдида Г.М.Р. воқеъ дар суроғаи ноҳияи Сангвор, Ҷамоати деҳоти Заршӯён, деҳаи Дараи-Себак рафта, ба боварии охирин даромада, аз номбурда 4 сар чорвои калони шохдор ва 100кг асалро, ҷамъ ба маблағи 26000 сомонӣ нархгузорӣ карда гирифтааст ва ҷабрдида Г.М.Р-ро бовар кунонидааст, ки ин маблағро дар муддати як ҳафта бармегардонад. Ҷабрдида Г.М.Р. ба суханони бардурӯғи судшаванда Р.М.Ш. бовар карда, бехабар аз мақсадҳои ғаразноки охирин 4 сар чорвои калони шохдор ва 100кг асалро ба судшаванда додааст. Аммо судшаванда Р.М.Ш. 4 сар чорвои калони шохдор ва 100кг асалро фурухта, маблағи онҳоро ба манфиати худаш масраф намуда, ҷабрдида Г.М.Р-ро бо ҳар баҳона фиреб дода, маблағи номбурдаро барнагардонида, ба охирин зарари калони моддӣ расонидааст. Ба ғайр аз ин, судшаванда Р.М.Ш. такроран тахминан санаи 15 октябри соли 2022, бо мақсади тассаруф намудани молу мулки ғайр бо роҳи фиреб ва сўиистифодаи боварӣ ба манзили истиқоматии ҷабрдида Ш.Ҳ.Ҳ. воқеъ дар суроғаи ноҳияи Сангвор, Ҷамоати деҳоти Заршӯён, деҳаи Миёнаду рафта, ба боварии охирин даромада, 1 сар чорвои калони шохдорашро ба маблағи 10000 сомонӣ нархгузорӣ карда гирифта, аз ин маблағ 5000 сомониашро дода, фиреб кардааст, ки 5000 сомонии боқимондаашро дар муҳлати як-ду ҳафта пардохт менамояд. Вале судшаванда Р.М.Ш. ҷабрдида Ш.Ҳ.Ҳ-ро фиреб дода, маблағи боқимондаро бо ҳар баҳона барнагардонида, бо ин кирдораш ба ҷабрдида Ш.Ҳ.Ҳ. зарари ҷиддии моддӣ расонидааст. Инчунин, судшаванда Р.М.Ш. такроран тахминан санаи 28 ноябри соли 2022, бо мақсади тассаруф намудани молу мулки ғайр бо роҳи фиреб ва сўиистифодаи боварӣ ба манзили истиқоматии ҷабрдида Ш.И.Ҳ. воқеъ дар суроғаи ноҳияи Сангвор, Ҷамоати деҳоти Заршӯён, деҳаи Дараи-Себак рафта, ба боварии охирин даромада, аз номбурда 1 сар чорвои калони шохдорро ба маблағи 7500 сомонӣ нархгузорӣ карда гирифтааст ва ҷабрдида Ш.И.Ҳ-ро бовар кунонидааст, ки ин маблағро дар муддати як-ду ҳафта пас бармегардонад. Ҷабрдида Ш.И.Ҳ. ба суханони бардурӯғи судшаванда Р.М.Ш. бовар карда, бехабар аз мақсадҳои ғаразноки охирин 1 сар чорвои калони шохдорро ба судшаванда додааст. Аммо судшаванда Р.М.Ш. 1 сар чорвои калони шохдорро фурухта, маблағи онро ба манфиати худаш масраф намуда, ҷабрдида Ш.И.Ҳ-ро бо ҳар баҳона фиреб дода, маблағи номбурдаро барнагардонида, ба охирин зарари ҷиддии моддӣ расонидааст. Ҳамчунин, судшаванда Р.М.Ш. такроран тахминан санаи 28 ноябри соли 2022, бо мақсади тассаруф намудани молу мулки ғайр бо роҳи фиреб ва сўиистифодаи боварӣ ба манзили истиқоматии ҷабрдида С.С.Д. воқеъ дар суроғаи ноҳияи Сангвор, Ҷамоати деҳоти Заршӯён, деҳаи Миёнаду рафта, ба боварии охирин даромада, аз номбурда 1 сар чорвои калони шохдорро ба маблағи 5100 сомонӣ нархгузорӣ карда гирифтааст ва ҷабрдида С.С.Д-ро бовар кунонидааст, ки ин маблағро дар муддати як-ду ҳафта пас бармегардонад. Ҷабрдида С.С.Д. ба суханони бардурӯғи судшаванда Р.М.Ш. бовар карда, бехабар аз мақсадҳои ғаразноки охирин 1 сар чорвои калони шохдорро ба судшаванда додааст. Аммо судшаванда Р.М.Ш. 1 сар чорвои калони шохдорро фурухта, маблағи онро ба манфиати худаш масраф намуда, ҷабрдида С.С.Д-ро бо ҳар баҳона фиреб дода, маблағи номбурдаро барнагардонида, ба охирин зарари ҷиддии моддӣ расонидааст. Ғайр аз ин, судшаванда Р.М.Ш. такроран тахминан санаи 28 ноябри соли 2022, бо мақсади тассаруф намудани молу мулки ғайр бо роҳи фиреб ва сўиистифодаи боварӣ ба манзили истиқоматии ҷабрдида Д.Д.Х. воқеъ дар суроғаи ноҳияи Сангвор, Ҷамоати деҳоти Заршӯён, деҳаи Дараи-Себак рафта, ба боварии охирин даромада, аз номбурда 1 сар чорвои калони шохдорро ба маблағи 6700 сомонӣ нархгузорӣ карда гирифтааст ва ҷабрдида Д.Д.Х-ро бовар кунонидааст, ки ин маблағро дар муддати як-ду ҳафта пас бармегардонад. Ҷабрдида Д.Д.Х. ба суханони бардурӯғи судшаванда Р.М.Ш. бовар карда, 1 сар чорвои калони шохдорро ба судшаванда додааст. Аммо судшаванда Р.М.Ш. 1 сар чорвои калони шохдорро фурухта, маблағи онро ба манфиати худаш масраф намуда, ҷабрдида Д.Д.Х-ро бо ҳар баҳона фиреб дода, маблағи номбурдаро барнагардонида, ба охирин зарари ҷиддии моддӣ расонидааст. Ба ғайр аз ин, судшаванда Р.М.Ш. такроран тахминан санаи 28 ноябри соли 2022, бо мақсади тассаруф намудани молу мулки ғайр бо роҳи фиреб ва сўиистифодаи боварӣ ба манзили истиқоматии ҷабрдида Ш.Р.Ҳ. воқеъ дар суроғаи ноҳияи Сангвор, Ҷамоати деҳоти Заршӯён, деҳаи Миёнаду рафта, ба боварии охирин даромада, аз номбурда 2 сар чорвои калони шохдорро ба маблағи 20000 сомонӣ нархгузорӣ карда гирифтааст ва ҷабрдида Ш.Р.Ҳ-ро бовар кунонидааст, ки ин маблағро дар муддати як моҳ пас бармегардонад. Ҷабрдида Ш.Р.Ҳ. ба суханони бардурӯғи судшаванда Р.М.Ш. бовар карда, 2 сар чорвои калони шохдорро ба судшаванда додааст. Аммо судшаванда Р.М.Ш. 2 сар чорвои калони шохдорро фурухта, маблағи онро ба манфиати худаш масраф намуда, ҷабрдида Ш.Р.Ҳ-ро бо ҳар баҳона фиреб дода, маблағи номбурдаро барнагардонида, ба охирин зарари ҷиддии моддӣ расонидааст. Такроран, судшаванда Р.М.Ш. тахминан санаи 29 ноябри соли 2022, бо мақсади тассаруф намудани молу мулки ғайр бо роҳи фиреб ва сўиистифодаи боварӣ ба манзили истиқоматии ҷабрдида Ш.Р.Ҳ. воқеъ дар суроғаи ноҳияи Сангвор, Ҷамоати деҳоти Заршӯён, деҳаи Миёнаду рафта, ба боварии охирин даромада, аз номбурда 18 зарфи пластикии асал, ки вазни умумиашон 642кг-ро ташкил медод, ба маблағи 32100 сомонӣ нархгузори карда ваъда додааст, ки дар муддати як моҳ маблағашро бармегардонад. Ҷабрдида Ш.Р.Ҳ. ба суханони бардурӯғи судшаванда Р.М.Ш. бовар карда, 18 зарфи пластикии асалро ба маблағи 32100 сомонӣ ба судшаванда додааст. Аммо судшаванда Р.М.Ш. 18 зарфи пластикии асалро фурухта, маблағи онро ба манфиати худаш масраф намуда, Ш.Р.Ҳ-ро бо ҳар баҳона фиреб дода, маблағи номбурдаро барнагардонида, ба охирин зарари калони моддӣ расонидааст. Ҳамин тариқ, судшаванда Р.М.Ш. такроран дар ҳашт ҳолат аз ҷабрдидаҳо Ҷ.Ҷ.С., Г.М.Р., Ш.Ҳ.Ҳ., Ш.И.Ҳ., С.С.Д., Д.Д.Х. ва Ш.Р.Ҳ. дар маҷмӯъ ба андозаи 106947 сомониро тасарруф карда, ба манфиати шахсиаш сарф намуда, бо ин кирдораш ба ҷабрдидаҳои номбурда зарари моддии ҷиддию калон расонидааст. Судшаванда Р.М.Ш. дар рафти тафтишоти пешакӣ маблағи зарари моддии ба ҷабрдидаҳо расонидаашро ба андозаи 106947 сомонӣ ба пуррагӣ барқарор намудааст. Раиси суди ноҳияи Сангвор Салимзода М.Д.

23.08.2023 246

бе иҷозатнома амалӣ намудани фаъолияте, ки иҷозатномаро талаб менамояд боиси ҷавобгарии маъмурӣ ва ҷазо гардид:

25.07.2023 251

Бо қарори судяи суди ноҳияи Сангвор аз 23.06.2023 сол шаҳрванд О.Д.З. барои он бо моддаи 510 қисми 2 Кодекси ҳуқуқвайронкунии маъмурии Ҷумҳурии Тоҷикистон гунаҳгор дониста шуда, нисбаташ ҷазо дар намуди ҷарима ба андозаи 15(понздаҳ) нишондиҳанда барои ҳисобҳо, баробар ба 1020(як ҳазору бист) сомонӣ ба фоидаи давлат таъин карда шуд, ки ў санаи 12 июни соли […]

Аз ҷониби шахси мансабдор бе баррасӣ монондани таъйиноти хусусӣ ё наандешидани чораҳо вобаста ба иҷрои он боиси ҷавобгарии маъмурӣ ва ҷазо гардид: Бо қарори судяи суди ноҳияи Сангвор аз 7.06.2023 сол шаҳрванд Р.А. барои он бо моддаи 531 Кодекси ҳуқуқвайронкунии маъмурии Ҷумҳурии Тоҷикистон гунаҳгор дониста шуда, нисбаташ ҷазо дар намуди ҷарима ба андозаи 5(панҷ) нишондиҳанда барои ҳисобҳо, баробар ба 340(се саду чил) сомонӣ ба фоидаи давлат таъин карда шуд, ки ў дар рафти адои ваколатҳои хизматии худ ҳамчун шахси мансабдор таъиноти хусусии маҷлиси судии суди ноҳияи Сангвор аз 3 марти соли 2023-ро бо парвандаи ҷиноятӣ нисбати Х.И.А. бо моддаи 234 қ.1 КҶ Ҷумҳурии Тоҷикистон, ки баҳри минбаъд бартараф намудани камбудиҳои ҷойдошта ворид гардида буд, ба зимма гирифта, дар ин хусус чораҳои дахлдор наандешида, бе сабабҳои узрнок дар муҳлати муқаррарнамудаи қонун ба унвонии суди ноҳияи Сангвор сари вақт ҷавоб надодааст. Раиси суд Салимзода М.Д.

19.07.2023 257